Хитот на минатото бундеслигашко првенство, екипата на Унион Берлин, со победа ја започна и новата сезона во Германија.
Учесникот во групната фаза на Лигата на шампионите без поголеми проблеми го совлада Мајнц со 4-1. На домашните им беа потребни само 51 секунда за да дојдат во водство од 1-0 преку Кевин Беренс.
Истиот фудбалер во деветтата минута зголеми на 2-0. Мајнц во 64-тата минута преку Антони Саси намали на 2-1, а водството од два гола разлика го врати Беренс во 70-тата минута со што го заокружи хет-трикот. Конечните 4-1 беа дело на Милош Пантовиќ во судиското надополнување на времето.
