Серена загуби од тенисерка која имала само два месеци кога Американката го освои првиот гренслем

Младата тенисерка Елена Рибаркина од Казахстан направи големо изненадување откако успеа да ја победи и елиминира Серена Вилијамс. Рибаркина со оваа победа стигна до првото четвртфинале на гренслем-турнир, а една од најголемите победи во кариерата ја оствари со 6:3, 7:5 во сетови.

Вилијамс е тенисерката која има освоено дури 23 гренслем-титули и е рекордерка во историјата на тенисот. Серена првата титула на големите турнири ја оствари на Отвореното првенство на САД во 1999 година, и тоа кога нејзината денешна ривалка имала само два месеца.

Рибаркина во следната фаза ќе игра против нејзината сонародничка Анастасија Пављученкова, која претходно со 2:1 во сетови ја елиминира Викторија Азаренка.

- Оглас -

Најнови вести