Финалистот од последното издание на Лигата на шампионите, Интер, не успеа да го совлада мексиканскиот Монтереј во својот прв натпревар од групата „Е“ на Светското клупско првенство. Натпреварот кој се одигра на „Роуз Боул“ заврши 1-1, иако Нераѕурите имаа изразена доминација.
Легендата на Реал Мадрид, Серхио Рамос, му донесе предност на Монтереј во 25-тата минута, а Лаутаро Мартинес израмни во 42-рата минута од мечот.
Интер по секоја цена сакаше да започне со победа, но во второто полувреме голот на Лаутаро беше поништен поради офсајд, а одбраната на Монтереј, предводена од Серхио Рамос, издржа до крајот на натпреварот и не дозволи пресврт.
Интер е двократен освојувач на Интерконтиненталниот куп и победник на Светското клупско првенство во неговиот претходен формат во 2010 година. Минатата сезона тимот од Милано остана без трофеј, иако се бореше за тројна круна до самиот крај.
По тешкиот пораз од 0-5 против Пари Сен Жермен во финалето на ЛШ, клубот се раздели со Симоне Инѕаги, а на негово место беше назначен поранешниот романски репрезентативец Кристијан Киву.
Монтереј се квалификуваше на турнирот како шампион на КОНКАКАФ Лигата на шампионите во 2021 година, кога ја победи Филаделфија јунион со вкупен резултат 4-0. Тимот се гордее со две трети места на Светското клупско првенство, во 2012 и 2019 година.
Серхио Рамос ја носеше капитенската лента за Монтереј, а во почетниот состав беа и Серхио Каналес, Лукас Окампос и Оливер Торес. Хесус Корона беше на клупата.
Овој натпревар беше деби за новиот тренер на Монтереј, Доменек Торент, поранешен помошник на Пеп Гвардиола, кој го замени Мартин Демикелис.
