Европската фудбалска асоцијација УЕФА го казни капитенот на Реал Мадрид, Серхио Рамос, со суспензија на два меча по добиениот жолт картон против Ајакс во првиот натпревар од осминафиналето во Лигата на шампионите. Рамос нема да биде во комбинација за игра во реваншот против Ајакс на „Сантијаго Бернабеу“ и во првиот натпревар од следната рунда доколку Реал Мадрид помине понатаму.
Рамос во последните минути од гостувањето кое Реал го доби со 2-1, одлучи намерно да добие картон за да не игра на реваншот, но со долгорочен план да биде слободен да игра во четврт-финалето бидејќи верува дека и без него, Реал ќе го мине Ајакс. Вака, Реал ќе мора без својот командант на одбраната да игра на првиот четврт-финален дуел, што ќе биде сериозен хендикеп за бранителот на титулата.
