Шпанскиот дефанзивец Серхио Рамос може да добие суспензија дури од 15 натпревари поради црвениот картон кој го доби во 12-тото коло на првенството во Мексико. Рамос неодамна потпиша за тимот на Монтереј, а на дуелот против Пумас доби црвен картон во судиското продолжение откако намерно го удри противникот.
Дисциплинската комисија забележува дека Рамос и во текот на мечот против Пумас имал неколку остри стартови кои останале несанкционирани од страна на арбитерот. Поради агресивното однесување, Рамос може да биде суспендиран на 15 натпревари, а може да биде казнет и со 248.000 евра.
За Рамос тоа беше јубилеен 30-ти црвен картон во кариерата. Тој е еден од рекордерите по бројот на исклучувања во светскиот фудбал, а сега ја чека санкцијата за првиот црвен картон заработен во Мексико.
