Полусестрата на напаѓачот на Манчестер јунајтед, Маркус Рашфорд, Тамара, се пласираше во финалето на конкурсот за Мис на Англија. За престижната круна ќе се борат 55 девојки, кои беа избрани во конкуренција на дури 20 илјади кандидатки.
Тамара има 22 години и таа и фудбалерот имаат ист татко, Роберт Рашфорд, но различни мајки. Финалето на Мис Англија е на 1 август во Њукасл. Доколку победи, убавата Тамара најави дека ќе помага во добротворни организации и во борбата против ракот, тешката болест од која пред три години почина нејзиниот дедо.
