Шахтар Донецк на стадионот во Киев вечерва ќе го пречека најтрофејниот клуб во историјата на Лигата на шампионите, Реал Мадрид. Шпанскиот гигант со 13 титули европски првак е недостижен за сите останати, па затоа секогаш е посебен мотив да се игра против Кралевите.
Иако Реал е фаворит за победа, Шахтар има голем мотив да слави вечерва. Овие две екипи играа и лани во групната фаза од ЛШ, а на изненадување на многумина, Украинците ги добијат двата меча. На дуелот во Мадрид, гостите славеа со 3:2, а потоа на свој терен Шахтар победи уште полесно со 2:0.
Сега Шахтар има шанса да стигне до трета победа во низа против Реал, нешто со кое во цел свет може да се пофалат само четири клуба. Баерн Минхен, Ливерпул, Ајакс и Јувентус успевале да го победат Реал трипати по ред.
Ајакс прв се израдувал на три триумфи во низа против Реал, и тоа беа двете во полуфиналето од КЕШ во 1973 година (2:1 и 1:0), а потоа следуваа и третата и четвртата победа по ред во групната фаза од ЛШ во 1995 година (победи од 1:0 и 2:0).
Баерн „тројката“ ја има комплетирано од 2001 до 2002 година во ЛШ. Во полуфиналето од ЛШ во 2001 година Баерн победуваше со 1:0 и 2:1, а следната година се израдува и на триумф од 2:1 во четвртфиналето.
Низата од три победи на Ливерпул започна во финалето на КЕШ во 1981 година со триумф од 1:0, а продолжи со двата меча во 2009 година и победите од 1:0 и 4:0. Јувентус во 2005 година го победи Реал со 2:0, а потоа во групната фаза од ЛШ во 2008 година се радуваше со 2:1 и 2:0.
Вечерва Шахтар има ретка можност да се приклучи во едно елитно друштво, каде што се само поранешни европски шампиони.
