Колумбиската пејачка Шакира по разделбата со Пике и преселбата во Мајами, повторно е вљубена, пишуваат медиумите во САД, како и шпанската „Марка“.
Шакира, која заедно со децата годинава ја напушти Барселона, минатиот викенд кога се одржуваше трката за Големата награда на Мајами таа била на вечера со седумкратниот формула 1 шампион, Луис Хамилтон. Тие вечерале во ресторанот „Сипријани“, а со нив биле уште неколку нивни пријатели.
Исто така, тие дел од слободното време го поминале во заедничко возење со брод.
Shakira and Lewis Hamilton were spotted enjoying a boat ride together in Miami today. pic.twitter.com/aoiYEUx6GI
— Pop Hive (@thepophive) May 11, 2023
„Шакира не само што уживаше во трката, туку и во екслузивната вечера со еден од најдобрите возачи во историјата на Формула 1. Тоа претставува изненадување и никој не очекуваше такво нешто. Очигледно е дека не требаше многу време за да се појават шпекулациите за нивната врска“, пишува „Марка“.
