Шаквил ван Перси ќе тргне по стапките на познатиот татко Робин и се очекува да потпише договор со славниот холандски клуб Феенорд, во кој Ван Перси сениор ја почна својата кариера.
Шаквил има само 15 години и од 2017 година е член на Феенорд, а сега е пред потпис со познатиот холандски гигант.
Беше член и на пионерските Академии на Манчестер сити и на Фенербахче, а се врати во Феенорд, каде што игра во младинските категории.
Робин ван Перси пет години беше член на Феенорд на стартот од кариерата, а потоа играше за двата англиски гиганти, Арсенал и Манчестер јунајтед, потоа и за Фенербахче, а кариерата ја заврши во својот дом кај Феенорд.
Моментно е помошник-тренер во истиот клуб каде што игра неговиот син Шаквил, а за Холандија одигра 102 меча и постигна 50 гола.
