Винченцо Грифо со своите два гола, му донесе победа на Фрајбург на гостувањето против Шалке 04 од 2-0 во меч од Бундеслигата. Инаку, Фрајбург има серија од 24 меча по ред без пораз кога Грифо дава гол.
Ова е шести пораз по ред за клубот од Гелзенкирхен кој минатата сезона беше второлигаш, а ако продолжат вака, пак им се заканува испаѓање од Бундеслигата. Фановите направија убава кореографија со порака „За Шалке даваме сè“, но и тоа не ги мотивираше домашните, или пак можеби толку им се можностите.
Од друга страна, Фрајбург е пријатно изненадување, после 12 кола има 24 бода, и се наоѓа на трето место на табелата, со два бода зад Унион Берлин и еден бод помалку од Баерн Минхен.
