ДомаФудбалМеѓународен фудбал
ФудбалМеѓународен фудбалОстанати лиги

(Видео) Шампионот подобар во пенал-драма, во Бело Хоризонте продолжи црната серија на Крузеиро

Зоран Поповски
Зоран Поповски
15

Ривер плејт остана во игра и во мисијата да се одбрани титулата во Јужна Америка и со подобро изведување на пеналите го елиминира Крузеиро во Бело Хоризонте.

Во регуларниот дел од реваншот повторно немаше голови, а во осминафиналното дерби на Копа Либертадорес мрежите мируваа 3 часа и во Буенос Аирес и во Бело Хоризонте, па Ривер и Крузеиро мораа со удари од белата точка да одлучуваат кој ќе патува во четврт-финалето.

Гостите од Аргентина не утнаа ниту еднаш, а прецизни беа Дела Круз, Монтиел, Мартинес и Боре, па утнатите удари на Енрике и Давид кај Крузеиро донесоа ново разочарување кај бразилскиот клуб.

Ова е седма елиминација по ред на тимот од Бело Хоризонте против аргентински состав во Копа Либертадорес, а црната серија почна во 1997 година, со елиминација од Бока јуниорс и пораз во финалето.

Потоа повторно Бока ги елиминираше во четврт-финалето во 2008 година, па се редеа неуспеси против Естудијантес, Сан Лоренцо, Ривер, повторно Бока јуниорс и сега пак од Ривер.

Во четврт-финалето ќе игра и еквадорскиот ЛДУ Кито. На гостински терен избраниците на Пабло Репето го преживеаја предизвикот во Асунсион против Олимпија и ремизираа 1:1 во реваншот. Кито победи на првиот меч со 3:1, потоа и поведе ноќеска со 1:0 со голот на Хулио, но и издржа со двајца играчи помалку. Домаќините утнаа и пенал и немаа сили да приредат подвиг за четврт-финале.

Понатаму очекувано оди и лидерот во бразилскиот шампионат Палмеирас по убедливата победа од 4:0 против Годој Крус во реваншот, откако во Аргентина одиграа 2:2.

Сите голови во Сао Пауло „паднаа“ во второто полувреме, а прецизни беа Веига, Борха, Густаво и Дуду.

 

 

- Оглас -

Најнови вести

Вчитај повеќе

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk