Првиот финален натпревар во кошаркарскиот плејоф на Македонија мина во знакот на очајната реализација на играчите на ТФТ, па МЗТ лесно со победа од 67-49 поведе со 1-0 во ова финале кое се игра во три добиени.
Вториот меч е в понеделник, повторно во „Јане Сандански“.
За ТФТ, кој е дебитант во финалињата, ова е прв пораз во годинешниот плејоф. Рацете како да им беа врзани, погодија 4 тројки (сите во прва четвртина) од 31 обид, а со таква реализација немаа шанса против актуелниот првак.
