Екипата на Шефилд јунајтед по две сезони успеа да се врати во Премиер лигата откако вечерва со победата над ВБА со 2-0 и теоретски си го обезбеди пласманот во повисок ранг. Творци на победата со која го потврдија пласманот во Премиер лигата беа Берг и Аџмедхоџиќ.
Од клубот со интересно видео го најавија враќањето во Премиер лигата.
https://twitter.com/SheffieldUnited/status/1651331475843809280?s=20
Шефилд јунајтед сезоната ќе ја заврши на втората позиција и заедно со Барнли веќе се нови премиерлигаши. Третопласиран е Лутон со 7 поени помалку, но до крајот треба да одигра уште два натпревара и теоретски не може да стигне до директен пласман во Премиер лигата и ќе мора пласманот да го бара преку плејофот, каде што место има обезбедено и екипата на Мидлсборо, додека останатите два учесника ќе се бараат помеѓу екипите на Ковентри, Сандерленд, Милвол, Блекбурн, ВБА и Престон.
