Ѕвездата на Оклахома сити тандер, Шеј Гилџес-Александер, е прогласен за најкорисен играч (МВП) на НБА-лигата за оваа сезона. Ова е првпат во неговата кариера да го освои престижниот трофеј „Мајкл Џордан“, кој се доделува на најдобриот играч во регуларниот дел од сезоната.
Во конкуренција со Никола Јокиќ (Денвер нагетс) и Јанис Адетокумбо (Милвоки бакс), Шеј Гилџес-Александер доби најмногу гласови благодарение на фантастичната сезона во која бележеше просек од 32,7 поени, 5,0 скокови и 6,4 асистенции.
Под негово водство, Оклахома заврши со неверојатен биланс од 68 победи и 14 порази, најдобар во целата лига.
И покрај тоа што Никола Јокиќ имаше уште една неверојатна сезона со трипл-дабл во просек (29,6 поени, 12,7 скокови, 10,2 асистенции), остана без својот четврти МВП-трофеј.
Дополнително, пресуден фактор може да биде и тоа што Оклахома го елиминира Денвер во втората рунда од плејофот, што ја зацврсти доминацијата на Гилџес-Александер оваа сезона.
Ова признание не само што ја потврдува брзата еволуција на Гилџес-Александер во елитна суперѕвезда, туку и ја става Оклахома сити тандер во центарот на вниманието како сериозен кандидат за шампионската титула во иднина.
