Најуспешната скијачка на сите времиња според бројот на победи на трки од Светскиот куп, Американката Микаела Шифрин (30) привлече големо внимание со снимка на која таа ги покажа своите мускули на грбот.
Јасно се гледаат екстремно дефинирани мускули на грбот, какви обично има на стомакот, но во нејзиниот случај се наоѓаат на грбот.
„Дури и не знаев дека грбот ми изгледа така. Немам поим како се добива тоа, претпоставувам дека само многу слалом и велеслалом. Мајка ми ми рече: „Изгледаш како вонземјанин. Искрено, повеќе би сакала вакви мускули да имам напред“, рече Шифрин.
Таа планира да се натпреварува во три дисциплини – тимска комбинација (во која ќе вози слалом), велеслалом и слалом. Ќе биде фаворитка за олимпиското злато во слалом, со оглед на тоа дека сезонава во оваа дисциплина победи на седум од осумте трки во Светскиот куп.
@mikaelashiffrin Someone said this is going viral, so sharing it here too 😝…my physio informed me the other day that this is what my back muscles look like😳🤪…is this normal?!
