Oдбројувањето за новиот фудбалско спектакл на Шкендија во Европа започна денеска. Клубот објави дека во 16:00 часот официјално ја стартуваше продажбата на билети за големото европско соочување, Шкендија против Карабах, во рамки на третото квалификациско коло од Лигата на шампионите.
Натпреварот ќе се игра на 5 август на арената „Тодор Проески“ во Скопје, со почеток од 20:00 часот. Цената на билетите е 300 денари, иста како и на претходните натпревари ова лето.
Билетите се достапни онлајн преку платформата mktickets.mk, а на денот на натпреварот ќе можат да се набават и на билетарниците на стадионот.
Шкендија веќе испиша историја обезбедувајќи пласман најмалку во групната фаза на Конференциската лига, но амбициите не застануваат тука.
