Македонскиот шампион Шкендија денеска ги пушти во продажба билетите за првиот натпревар од втората квалификациска рунда на Лигата на шампионите против ФЦСБ. Натпреварот се игра на 22 јули (вторник) на Националната арена „Тодор Проески“ во Скопје, со почеток од 20 часот.
Цената на билетот изнесува 300 денари, а билетите може да се набават на следните места: онлајн преку mktickets.mk, во просториите на ФК Шкендија во центарот на Тетово, на продажната точка „Монако Тобако“ во Тетово, а на самиот ден на натпреварот и на билетарницата на стадионот „Тодор Проески“ во Скопје.
Организаторите апелираат до навивачите да ги набават билетите однапред, со цел да се избегнат непотребни гужви и чекања пред влезот на стадионот.
