Македонскиот првак Шкендија ќе игра во групната фаза во Конференциската лига. Тоа е втор македонски клуб, по Вардар во 2017 година што ќе биде дел од групна фаза во натпреварување на УЕФА.
Според новиот систем, Шкендија ќе одигра најмалку уште шест меча во групната фаза (три на домашен терен и три на гости). Македонскиот првак е во петата од шесте групи.
Меѓу екипите кои се дел од ова натпреварување, во првиот барабан се Фиорентина, АЗ Алкмар, Шахтар… Во вториот барабан има место за Кристал палас кој е освојувач на ФА Купот и Комјунити шилд во Англија, потоа екипи како Спарта Прага, Динамо Киев, Рајо Валјекано.
Од третиот барабан тука е германскиот бундеслигаш Мајнц, но и францускиот Стразбур. Во четвртиот бараба, најзвучно име е АЕК Атина, но има и екипи како Дрита од Косово или Линколн од Гибралтар.
Во последниот шести барабан е Лозана, екипа која го елиминираше Вардар, но беше подобра и во двомечот со Бешикташ. Ждрепката за групната фаза ќе биде денеска.
