Глазгив Ренџерс е поразен во првото коло на шкотската Премиерлига и тоа со 0-1 на гостувањето кај Килмарнок на „Рагби парк“ стадионот.
Домашните триумфираа со погодок на Бредли Лајонс во 65-та минута. За Килмарнок ова е прва победа над Ренџерс после три и пол години. Голот може да го видите ТУКА.
За трофејниот Ренџерс воопшто не е добро што уште по првото коло има три бода негатива зад лутиот ривал Селтик.
Абердин на Бојан Миовски (одигра цел меч), денеска ја стартуваше сезоната со реми 0-0 на гости против Ливингстон, а бод освои и Мадервил на Давор Здравковски (беше на клупа) на гостувањето кај Данди.
