Вардар е нов лидер во прволигашката конкуренција, а таму ќе остане најмалку до утре, откако го доби градското дерби против Шкупи со 4-2. Мечот започна невообичаено, со авготол на Матиќ за водство на „чаирчани“ од 1-0. Голот на Матиќ воедно е и најбрзиот прволигашки во историјата.
„Црвено-црните“ направија пресврт преку Данев и Омерагиќ, кои погодуваа во 16-тата и 36-тата минута, но Дестани израмни во 38-мата минута. Сепак, Вардар со водство од 2-3 замина на паузата, откако Закариќ во четвртата минута од продолжението на првиот дел погоди во мрежата на Шкупи.
Второто полувреме далеку од првото, Шкупи немаше сили да го загрози голот на Вардар, а „црвено-црните“ како да беа задоволни од резултатот. Сепак, точка на победата на Вардар стави Едиз Спахиу со гол во 93-тата минута.
Вардар сега е (привремен) лидер на прволигашката табела со 10 бода, по еден повеќе од Силекс и Струга, кои своите натпревари од четвртото коло ќе ги одиграат утре.
