Екс капитенот на Порто, Жорже Коста, кој под водство на Жозе Мурињо ја освои Лигата на шампионите во 2004 година (една година пред тоа ја освои и Лига Европа), ненадејно почина на 53-годишна возраст.
Ненадејната смрт го шокираше фудбалскиот свет.
Поранешниот дефанзивец бил во тренинг базата на португалскиот клуб кога доживеал срцев удар. Познат по прекарот „Ѕверот“, помина 15 сезони со Змејовите, а потоа работеше како директор за фудбалски прашања во Порто.
Освои осум титули во португалското првенство, пет домашни купови и осум Суперкупови.
„Низ целиот свој живот, на теренот и надвор од него, Хорхе Коста ги отелотворуваше вредностите што го дефинираат ФК Порто: посветеност, лидерство, страст и непоколеблив победнички дух. Тој обележа генерации на навивачи и стана најголем симбол на клубот. Никогаш нема да бидете заборавени, капитене“, се вели во соопштението на Порто.
Соопштение со сочувство издаде и ривалот Бенфика, а пораката на Португалската фудбалска федерација „Засекогаш, капитене“ ја сподели и Кристијано Роналдо на Инстаграм.
