Филипо Инѕаги успеа да постигне голем успех со Пиза, го внесе клубот во Серија А каде што ќе игра првпат по 34 години, но популарниот Пипо нема да биде тренер на Пиза следната сезона, иако има важечки договор.
Постариот од браќата Инѕаги утре треба да потпише тригодишен договор со Палермо, кој ќе плати обештетување од 900.000 евра и ќе го земе експертот за внесување екипи во Серија А.
Пипо не беше успешен како тренер во Серија А, беше на чело и на Милан, Венеција, Болоња, Беневенто, Бреша, Реџина и Салернитана, но забележа забележителни резултати само во пониските лиги.
Тој ја освои Серија Ц со Венеција, Серија Б со Беневенто, а на крајот од оваа сезона беше второпласиран со Пиза. Палермо очигледно се одлучил за испробан и проверен рецепт.
