Само пет месеци откако го врати шампионскиот појас во средба категорија од Алекс Переира, една од најголемите ѕвезди во УФЦ, Израел Адесања, утринава повторно ја загуби титулата, овојпат од Шон Стрикланд.
Стрикланд на манифестацијата УФЦ 293 која се одржа во Сиднеј, со едногласна одлука на судиите (49:46,49:46,49:46) го победи Адесања.
https://twitter.com/i/status/1700739710270792178
Адесања на крајот од првата рунда едвај успеа да избегне нокаут по одличната комбинација на Стрикланд. Американецот кој често спарингува токму со Алекс Переира кој му го нанесе првиот пораз на Адесања, доминираше во текот на сите пет рунди, беше далеку поактивен борец во октагонот и сосема заслужено славеше и стана нов шампион во средна категорија (до 84 килограми).
SEAN STRICKLAND NEW UFC CHAMP! #UFC293 #GamblingX pic.twitter.com/HqlTWB35uR
— iGOTLOCKS (@i_gotlocks) September 10, 2023
Претседателот на УФЦ, Дејна Вајт, најави дека ќе следува реванш, додека Адесања не се појави на прес-конференцијата.
„Шон Стрикленд дојде на непријателска територија, а целиот свет зборуваше дека не може да победи. Беше голем аутсајдер, а речиси го нокаутира Адесања и ја освои титулата. Адесања не личеше на себе, дури и во петтата рунди кога сите знаеја дека само со нокаут ќе победи. Дефинитивно ќе има реванш“, изјави Вајт.
Во останатите борби на главната вечер, Александар Волков го победи Таи Туиваса со гушење, Манел Кејп со едногласна одлука на судиите го совлада Фелипе дос Сантос. Џастин Тафа и Тајсон Педро со технички нокаут славеа над Остин Лан и Антон Туркаљ.
