Ливерпул објави дека во текот на денов позитивни резултати на тестирањето за Ковид-19 имале голманот Алисон Бекер, дефанзивецот Џоел Матип и напаѓачот Роберто Фирмино.
Ова значи дека тројцата отпаѓаат во последен момент и нема да бидат во составот на гостувањето на „Стемфорд бриџ“ од 17.30 часот. Алисон сигурно ќе беше стартер, можеби и сите тројца ќе играа, па ова се нови големи проблеми за Јирген Клоп, кој истотака има коронавирус и нема да ги води Црвените.
