Легендарниот Баскиец и пензиониран судија Едуардо Итуралде Гонзалес изнесе шокантни тврдења за шпанските медиуми во врска со судењето во шпанското првенство. Итуралде Гонзалес даде своја анализа по завршување на последното Ел Класико, во кое Реал Мадрид победи против Барселона со резултат од 2:1.
Кога беше прашан за бројот на судии кои навиваат за Реал Мадрид и Барселона, тој даде прецизни проценти.
„Дури 90 проценти го поддржуваат Реал, 10 проценти ја поддржуваат Барселона. Без разлика дали тоа на навивачите на Барса им се допаѓа или не, 70 проценти од шпанското население, без Каталонија, го поддржува Реал Мадрид. Сега има повеќе навивачи на Барса затоа што младите луѓе беа сведоци на титули под водство на Гвардиола. Но, пред ерата на Меси, колку луѓе во Шпанија го поддржуваа Реал Мадрид? Дури 70 проценти“, објасни тој.
Иако обвини дека 90 отсто од судиите сега навиваат за Реал Мадрид, Итуралде Гонзалес се правда дека тoj не бил навивач на ниту еден клуб.
„Што се однесува до мене, не ме интересираат ниту Реал, ниту Барса, јас сум навивач на Атлетик Билбао и сите го знаат тоа. Но, сакајќи да бидам фер, им нанесов штета“, рече тој искрено.
