Црвена ѕвезда речиси сигурно на крајот од оваа сезона ќе се раздели со тренерот Владан Милојевиќ, секако, доколку не се случи нешто непрдвидено и разделбата дојде и порано.
Веќе се знае и кој ќе биде неговиот наследник, а тоа е Алберт Риера, кој во моментов е тренер на словенечки Цеље.
Шпанецот ќе има основна плата од еден милион евра, а со бонусите може да достигне и до максимални 1,6 милиони евра. Според српските медиуми, Шпанецот добил гаранции од раководството на „црвено-белите“ дека нема да му се мешаат во работата, а тоа било и главниот услов.
Црвена ѕвезда е во серија од три меча без победа, откако загуби од Брага во Лигата на Европа, потоа ремизираше против Раднички во Ниш, а на последниот меч доживеа вистински шок и загуби од Војводина, иако имаше водство од 0-2 на полувремето.
