Кошаркарската репрезентација на Шпанија обезбеди пласман во следната фаза на Светското првенство, откако стигна до втората победа во второто коло од групната фаза. Црвената фурија го победи Бразил со 96:78 и го обезбеди првото место во групата.
Првата четвртина беше израмнета, а Бразил водеше со 22:21 по првите 10 минути. Беше 28:29, кога Шпанија со низа од 8:2 стигна до 37:30, а највисоката предност во првото полувреме ја имаа со 12 разлика (46:34).
Бразил успеваше да ја држи неизвесноста до крајот на третата четвртина кога беше 64:59 за Шпанија, а актуелниот светски првак во последните 10 минути тргна со серија од 10:1 и стигна до предност од 74:60 и беа решени сите дилеми околу победникот.
