Репрезентацијата на Шпанија ја одбрани титулата во фудбалската Лига на нации во женска конкуренција, откако вечерва во реванш-финалето ја совлада Германија со 3-0 (првиот меч заврши 0-0).
Победата беше обезбедена во период од 13 минути (од 61-вата до 74-тта минута), кога Шпанките постигнаа три гола. Клаудија Пина даде два гола, а Вики Лопес еден за голема радост на 55.843 гледачи на „Метрополитано“ во Мадрид.
Доминацијата на Шпанија во женскиот фудбал е неспорна. Тие се актуелни светски шампионки, број 1 на ранг-листата на ФИФА, ги освоија последните две изданија во Лигата на нациите, последните пет години фудбалерка на годината е прогласувана Шпанка.
Ова е прекрасниот гол за конечни 3-0:
¿Pero qué has heeeeeecho?
¡¡ !!
¡¡DOBLETE DE CLAUDIA!!3-0 | 75′
@La1_tve#LaFinalContigo | #JugarLucharYGanar pic.twitter.com/FUN0zj6nBn
— Selección Española Femenina de Fútbol (@SEFutbolFem) December 2, 2025
