Најдобрата македонска тенисерка, Лина Ѓорческа, загуби во полуфиналето на фјучрс турнирот „Триглав опен“ кој се игра во Скопје за награден фонд од 40.000 долари.
Ѓорческа кој беше четврта носителка, со 4-6, 6-7 беше поразена од Хрватката Ива Приморац. Во првиот сет Ѓорческа водеше со 4-3, но потоа загуби три гејма едноподруго. Во вториот сет, двете тенисерки направија брејк, Лина истотака водеше со 4-3, имаше и 6-5, но Хрватката се избори за тај-брејк и успеа да го добие мечот.
Така, Приморац се реваншираше за поразот од Лина во Загреб во мај годинава и за уште два порази претходно во меѓусебните дуели.
Во финалето во Скопје ќе играат Хрватката Приморац и Србинката Дејана Радановиќ (14-та ностелка на турнирот) двете со послаб ранг на ВТА листата од Ѓорческа.
