Евролигата понуди нов драматичен меч, а штета што немаше публика во Валенсија да проследи нов трилер-меч, што го доби Армани Милано со 83:81 по едно продолжение.
Гостите од Италија приредија мал подвиг и негативата од 71:76 само на една минута и 27 секунди до крајот на продолжението ја преточија во триумф од 83:81.
Се разигра шпанскиот репрезентативец Серхио Родригес, кој постигна 7 поени во финишот и помогна Армани да скрои вредна победа што ги остава во игра за пробив до Топ-8.
Родригес, кој утна тројка за победа во регуларниот дел беше најефикасен кошаркар на гостите со 16 поени, а зад него е Владимир Мицов со 13. Српскиот кошаркар ја постигна клучната тројка за победа на гостите на една секунда до крајот на продолжението.
Vladimir Micov WITH THE HAIL MARY SHOT TO SAVE @OlimpiaMI1936 😱😱#7DAYSMagicMoment pic.twitter.com/929gWAhA98
— Turkish Airlines EuroLeague (@EuroLeague) March 5, 2020
Кај Валенсија и на мечот најмногу поени постигна Алберто Абалде, 21, а Бојан Дубљевиќ беше втор стрелец со 19 поени.
Двете екипи сега имаат по 12 победи и 16 порази, колку што има и осмопласираниот Химки.
