Еден од најпознатите југословенски фудбалери, Драгослав Шекуларац денеска почина во Белград на 82-годишна возраст. Родениот штипјанец цели 20 години ги пленеше срцата на љубителите на фудбалот и беше еден од најдобрите фудбалери во поствоената ера од 1955 до 1975 година.
За југословенската репрезентација одигра 41 меч, а одличниот дриблер постигна и шест голови за националниот тим на СФРЈ.
Во родниот град Штип успеа да го доведе легендарниот Португалец Еузебио, едно од најголемите фудбалски имиња во европскиот фудбал, а судбината сакаше да починат во ист ден, на 5. јануари. Еузебио си замина пред пет години, а денеска почина и неговиот голем пријател Шекуларац.
