Арсенал ги разочара своите навивачи откако дома одигра само 2:2 против Кристал палас, иако Топчиите водеа со 2:0. И покрај тоа што гостинот стигна до 2:2, Арсенал можеше да се радува на победа од 3:2 доколку системот ВАР не сигнализираше дека вториот погодок на Сократис е нерегуларен.
Спорната ситуација се случи во 84-тата минута, кога имаше корнер за Топчиите. Во мешаницата пред голот на Кристал палас, топката дојде до Сократис, кој погоди за голема радост на домашните фанови.
По речиси една минута откако беше даден голот, судијата доби сигнализација дека погодокот не е регуларен и го поништи без да гледа повторена снимка. Играчите на Арсенал се чудеа која е причината зошто погодокот не е признат.
Погледнете ја повторената снимка и проценете дали имаше нешто нерегуларно при погодокот за 3:2 за Арсенал.
