Интер подготвува спектакуларен обид за трансфер на Пауло Дибала од Јувентус, што ќе оддекне како голема фудбалска бомба на Апенините, ко се реализира.
Двете екипи имаат огромен ривалитет, а на Чизмата го играат и најголемото дерби, наречено „Дерби на Италија“.
Газета дело Спорт најавува дека веќе имало контакт меѓу Бепе Марота, поранешен висок функционер во Јувентус, сега директор во Интер и агентите на Дибала.
Истовремено се појави уште една интересна најава за можен трансфер на играч кој ќе предизвика потрес на пазарот и меѓу вечните ривали во Шпанија, Реал Мадрид и Барселона.
Кралскиот клуб сака да го ангажира дефанзивецот на Барса, Роналд Араухо. Реал и Барса имаат огромен ривалитет и го играат познатото „Ел Класико“ едно од највпечатливите дербија во светот на фудбалот.
