Милан подготвува подобрена понуда за играчот од средниот ред на Бриж, Ардон Јашари, објавуваат италијанските медиуми.
Клубот од „Сан Сиро“ веќе понуди 27 милиони евра, плус 3 милиони бонуси за 22-годишниот швајцарски фудбалер, кој има македонско потекло. Тој е роден во Швајцарија, но неговите родители потекнуваат од Македонија.
Клуб Бриж, сепак, за него бара најмалку 35 милиони фиксно, како и дополнителни бонуси. Според италијанските медиуми, Милан наскоро ќе достави нова понуда со зголемени бонуси до 5 милиони евра.
Според белгиски извори, Јашари одбил понуди од Манчестер јунајтед и од Фулам, со образложение дека Ѓаволите во моментов се нестабилен клуб, а Фулам не ги исполнува неговите амбиции.
Во минатата сезона Ардон Јашари одигра 52 натпревари, постигна четири гола и забележа шест асистенции и беше прогласен за најдобар играч во белгиското првенство.
