Шварцман жали за талентот на Кирјос: Може да биде голем шампион, но малку е луд

Диего Шварцман очекува наскоро помладиот бран на тенисери да почне да освојува гренд-слем титули, што засега со мали исклучоци ги освојува големата тројка на светскиот тенис, Федерер-Надал-Ѓоковиќ.

Според Аргентинецот во прв ред се Стефанос Циципас, Доминик Тим, Александер Зверев и Данил Медведев, а го спомена посебно и Ник Кирјос.

„Кога е смирен и ќе одигра како што знае Ник е врвен тенисер со голем талент. Но, малку е и луд со своето однесување. Се надевам дека ќе се смири и ако тоа се случи очекувам да биде конкурентен во битката за гренд-слем трофеите“, вели Шварцман.

Диего е на 13. место на АТП листата и има 27 години, а досега најголем дострел на гренд-слем турнирите му се четвртфиналињата на Ролан Гарос и двете на САД опен.

Кирјос е три години помлад, му предвидуваа сјајна кариера, но засега има повеќе впечатливи испади на тениските терени, отколку успеси. Највисок дострел и за него е четвртфинале на гренд-слем, а играше двапати на Вимблдон во 2014 година и следната на Австралија опен.

 

- Оглас -

Најнови вести