Ко-домаќинот на Европското ракометно првенство, Шведска со максимални шест бодови ја завршува групната фаза, откако вечерва без многу пголеми на победи Хрватска со 33:25. Ова беше дуел на двете селекции кои имаа по две победи во првите две кола, но Хрватите едноставно не можеа да парираат.
Шведска поведе со 2:0 и потоа до крајот на средбата не му дозволи на противникот да се понадева дека може да поведе, а не да стигне до победата. Домаќините во првото полувреме водеа со 8:5, потоа и со 14:10, а на полувреме ја задржаа таа предност од четири погодоци (17:13).
Во вториот дел Шведска го зголеми темпото на игра, па поведе и со осум разлика (23:15) и 26:18, па до крајот само се чекаше да се види конечниот резултат.
