Спортинг Лисабон имаше 11 победи во првите 11 кола во португалскиот шампионат, а потоа си замина тренерот Рубен Аморим, кој го презеде Манчестер јунајтед и одеднаш тимот почна да паѓа, врза два пораза по ред, и тоа од аутсајдерите Санта Клара и Мореиренсе.
Спортинг вечерва против Мореиренсе загуби со 1-2 и Порто задутре има шанса со победа да се изедначи по бројот на бодови со лисабонските Лавови.
Она што остана константа по заминувањето на Аморим се головите на Виктор Ѓекереш. Еден од најдобрите светски напаѓачи вечерва дојде до импресивна бројка од 60 гола во 2024 година на клупско и на репрезентативно ниво.
