Фудбалскиот сојуз на градот Гетеборг најостро реагираше против воведување видеотехнологија во шведската лига, а добија поддршка од неколку клубови од овој град.
„Пред три години донесовме одлука против ВАР и тоа мислење нашите претставници го повторија во неколку наврати. Сакаме Фудбалскиот сојуз на Гетеборг да заземе став против ВАР“, рече тренерот на новиот шведски прволигаш ГАИС, Повел Фагерстрем.
Реткост е клубовите Еис, ГАИС и ИФК Гетеборг, кои се градски ривали, да имаат ист став околу некоја работа, но овојпат се обединија за ова важно прашање. Според нив, ВАР негативно влијае во уживањето на публиката, на самите натпревари, а носи и многу трошоци.
