Бразилскиот интернационалец Антони многумина го прогласија за најскапо промашување во историјата на Манчестер јунајтед, па пред три недели беше даден на позајмица во Бетис. Навивачите на Црвените ѓаволи го славеа предвременото заминување на фудбалерот за кого во 2022 година беа платени 95 милиони евра оштета за да го доведат од Ајакс, а добиваше еден милион евра плата на „Олд Трафорд“.
За две и пол години во Манчестер, Антони одигра 96 меча и постигна само 12 гола, а имаше и пет асистенции. Сезонава играше само 14 пати, од кои само трипати беше во стартната постава. Даде гол само во дуелот со третолигашот Барнли во Купот.
Токму затоа одлуката беше Антони да биде продаден, а бидејќи никој не сакаше да го купи, замина на позајмица во Бетис. Само три недели е во тимот од Севилја, а Антони веќе е херој во новиот клуб.
Во трите меча кои ги одигра во шпанското првенство, Антони го доби признанието за МВП.
Three LALIGA matches, three match MVP awards for Antony ✨
Incredible 👏 pic.twitter.com/7vxTyfUGir
— ESPN FC (@ESPNFC) February 16, 2025
Едноставно, тој е лидер во играта на Бетис и синоќа беше предводник во убедливата победа над Сосиедад со 3:0. Антони даде гол, а имаше и една асистенција. Бразилецот играше и во плејофот во Лигата на Европа, кога постигна гол, и во победата над Гент.
„Антони е машина за голови. Играчот кој дојде на позајмица од Манчестер јунајтед постигна чудесен гол и го продолжува својот сензационален старт во Шпанија. Антони му покажа на својот клуб што пропушта. Освен голот, се избори и за пенал, а имаше и асистенција“, се дел од реакциите во светските медиуми.
NO WAY ANTONY SCORES FOR BETIS AGAIN
— Janty (@CFC_Janty) February 16, 2025
