Јаник Синер од Италија и Алекс де Минор од Австралија ќе играат во денешното финале на Мастерс турнирот во Торонто, Канада. Синер обезбеди место во финалето откако по голема борба со 6:4, 6:4 го елиминираше Томи Пол. Пол кој успеа да го победи Карлос Алкарас, немаше сили за уште еден триумф над тенисер кој е во Топ 10 на АТП листата. Де Минор во финалето стигна по победата над Алехандар Давидович Фокина и тоа убедлива со 6:1, 6:3.
За Синер ова е трето Мастерс финале и ќе се обиде конечно да стигне до првиот толку вреден трофеј. Претходните две финалиња ги губеше на Мастерсот во Мајами. Де Минор е противник како по мерка за Италијанецот затоа што во меѓусебните дуели Силер има перфектен биланс.
Финалистите досега играле четири пати меѓу себе, а Синер секогаш победувал и тоа со 2:0, 3:0, 2:1 и 3:0, што значи дека има освоено 10 сета, а загубено само еден.
„Алекс е одличен играч и тој тоа го покажа на овој турнир. Се надевам дека ќе одиграме одлично финале. Свесен сум дека сум фаворит и дека имам притисок, но тоа е добра работа. Тоа е нешто позитивно. Привилегија“, рече Синер во пресрет на финалето.
