Силекс е есенски првак во Првата македонска фудбалска лига, откако попладнево во Кратово го победи Вардар со 1-0. Кратовци имаат ист број бодови со Шкендија и Работнички, но имаат и малку подобра гол-разлика од тетовци и скопските дебармаалци, и затоа се први.
Важна победа во битката за опстанок извојува Тиквеш кој ги победи струмичани, иако кавадарчани средбата ја завршија со само 9 фудбалери откако двајца беа исклучени при водство од 1-0.
Интересно беше и за езерското дерби каде Струга со два гола на Малески од кои победничкиот во 86-та минута, ја совлада Воска.
РЕЗУЛТАТИ: Беса – Шкупи 0-1, Работнички – Пелистер 3-0, Шкендија – Гостивар 0-0, Силекс – Вардар 1-0, Струга Трим Лум – Воска спорт 2-1, Тиквеш – Брера Струмица 2-0.
ТАБЕЛА: Силекс, Шкендија и Работнички по 37 бодови, Гостивар 35, Струга 32, Шкупи 22, Пелистер и Брера по 19, Тиквеш 14, Беса и Вардар по 13, Воска 12.
