Струга Трим Лум и Силекс продолжуваат да маршираат во победнички ритам и по четири кола. Стружани славеа со убедливи 0-5 на гости кај Башкими во Куманово, додека Силекс минимално, но заслужено, го победи Арсими на гости во Гостивар со 0-1.
Мартин Мирчевски беше стрелец на единствениот гол за Силекс на гостувањето кај Арсими. Во 17-тата минута офанзивецот погоди откако одлично реагираше на нафрлувањето на Рајков од десната страна.
Струга ТЛ беше убедлива против Башкими и победи со 0-5. Марко Симоновски доби црвен картон кај домашниот тим во 23-тата минута, а само една минута подоцна Басиру Компаоре донесе водство за Струга ТЛ. Марјан Радески во 36-тата минута зголеми на 0-2.
Во вториот дел уште три гола на стружани, стрелци беа Буњамин Шабани, Басиру Компаоре и Христијан Малески.
