Фудбалската експедиција на Манчестер сити имаше големи проблеми на враќањето од Лисабон, а незгодни налети на ветер не дозволија да слетаат во Манчестер, па авионот беше пренасочен кон Ливерпул.
Целата ситуација беше незгодна за англискиот шампион, но, за среќа, безбедно слетаа на англиска почва.
We can confirm the plane transporting the first team home from Lisbon has landed safely in Liverpool, after high winds forced a diversion from Manchester.#ManCity
— Manchester City (@ManCity) February 16, 2022
Сити беше убедлив во Лисабон и со 5:0 го декласира Спортинг во првиот осминафинален меч во Лигата на шампионите и веќе е четвртфиналист.
Навивачите на популарните Граѓани на шега на социјалните мрежи објавуваат дека поголеми проблеми играчите имале со летот кон дома отколку со ривалите од Португалија на теренот.