Манчестер сити и Реал Мадрид одиграа фантастичен прв меч од полуфиналето во Лигата на шампионите, по кој премиерлигашот има предност од 4:3.
По натпреварот, Бернардо Силва даде навистина провокативна изјава до ривалите на Сити во Премиер лигата.
„Го сакам овој притисок и многу ми е поубаво кога си под притисок да ја освоиш титулата и да се пласираш во финалето од Лигата на шампионите, отколку да се бориш за четвртото место или за новата Конференциска лига, или како и да се викаше“ изјави Силва по натпреварот.
Португалецот беше еден од најдобрите фудбалери вчеравечер и постигна навистина прекрасен гол во вториот дел.
