Тренерот на Атлетико Мадрид, Диего Симеоне, по тешкиот пораз од Арсенал во Лигата на шампионите од 0-4, призна дека загубиле од посилен тим, а Топчиите ги нарече најсилен тим против кој се сретнале во досегашниот дел од сезоната, иако се сретнаа и со Ливерпул и со Реал Мадрид.
„Мислам дека игравме навистина добро до 58-ма минута. Од 60-тата минута па натаму, нашите противници беа посилни и ја заслужија победата. Првиот тим од прекин ги сврте работите во полза на Арсенал. Би рекол дека тие се најдобриот тим со кој сме се соочиле досега оваа сезона. Прецизни се и во нападот и во одбраната. Сите знаат дека Арсенал се специјалисти за прекини. Мора да им се оддаде признание, тие работат многу добро во тој дел“, рече Симеоне.
