Неколку дена по дербито меѓу Атлетико и Реал, тренерот Диего Симеоне изрази жалење за односот кон Винисиус јуниор. Во четвртокот двата тима се сретнаа во Саудиска Арабија, во вториот полуфинален натпревар од турнирот за Суперкупот на Шпанија.
Тимот на Чоло загуби со 1-2, а во текот на средбата тој влезе во конфликт со бразилскиот напаѓач.
„Прво и најважно, сакам да им се извинам на Флорентино (Перес) и на Винисиус за инцидентот од оној ден. Не беше правилно и затоа сакам јавно да се извинам“, изјави Симеоне.
Diego Simeone told Vinicius Jr during the game:
— Footy Humour (@FootyHumour) January 8, 2026
“Vini, Vini… Florentino is going to get rid of you, remember I told you!” 😭😭😭
pic.twitter.com/q6Bgz4pg4c
За случајот од Џеда се појавија информации дека прво напаѓачот упатил иронични забелешки кон тренерот на Атлетико.
„Да, да, ќе ви досудат пенал“, рекол Винисиус, по што Симеоне му одговорил со:
„Флорентино ќе те продаде“ и „Слушни, публиката повторно те исвиркува“.
Реал Мадрид загуби со 2-3 во финалето од Барселона. Тренерот на Атлетико и за тоа имаше свој коментар.
„Тимот кој победи е оној кој го заслужува, така што немам што повеќе да додадам. Барселона е многу добар тим и заслужено победи“, истакна Симеоне.
