Милан и Интер ремизираа 1:1 во првиот меч од полуфиналето на Купот на Италија. Двата гола беа постигнати во второто полувреме. Росонерите први се израдуваа, а потоа Интер израмни.
По мечот, тренерот на Нераѕурите, Симоне Инѕаги, беше задоволен од ремито.
„Тоа веше вистинско дерби. Ние можевме да постигнеме гол во првото полувреме, кога шанса имаше Де Вреј, но не реализравме. Потоа Милан даде гол, а интересно е дека тој погодок на противникот ни помогна и нам да бидеме подобри, да се фокусираме и да создадеме доста шанси против опасен ривал. Задоволен сум од резултатот, посебно затоа што имавме само 14-мина играчи на располагање. На секој меч се бориме да победиме. Дојде април, а ние сме во трка за трофеите во сите натпреварувања. Сите играчи се подготвени да го дадат макимумот кога го носат дресот на Интер“, вели Инѕаги.
