Лигата на шампионите влегува во самата завршница. Најдобрите осум екипи остануваат во борба за највредниот клупски трофеј во Европа. Утре во Нион ќе биде ждрепката за четвртфиналните дуели, а потоа веднаш ќе бидат познати и потенцијалните двојки за во полуфиналето.
Арсенал, Манчестер сити, ПСЖ, Атлетико Мадрид, Барселона, Баерн Минхен, Реал Мадрид и Борусија Дортмунд се екипите кои може да се паднат меѓу себе затоа што овојпат нема да има полуделигирана ждрепка.
Англискиот „Сан“ одлучи да направи симулација на ждрепката и состави парови според кои Баерн Минхен ќе игра против Барселона, Арсенал – Реал Мадрид, Манчестер сити – ПСЖ и Атлетико Мадрид – Борусија Дортмунд.
Останува утре напладне да видиме колку од овие симулации ќе бидат погодени, а по официјалната ждрепка ќе се знае кој клуб најдобро поминал. Мечевите од четвртфиналето се закажани за 9 и 10 април, а реваншите се седум дена подоцна.
Финалето на Лигата на шампиони ќе биде на „Вембли“, а Англичаните се надеваат дека може да гледаат англиско финале меѓу Сити и Арсенал.
