Јаник Синер се пласира во четвртфиналето на Отвореното првенство на Австралија, откако во меч, кој траеше малку повеќе од три часа, со 3:1 во сетови го победи Холгер Руне. Најдобриот тенисер во светот започна сигурно и го доби првиот сет со 6:3, но Руне возврати со иста мера во вториот сет за израмнување на 1:1.
Во продолжение на дуелот сепак Синер покажа зошто е најдобар и без многу проблеми ги доби следните два сета со 6:3 и 6:2 за пласман меѓу осумте најдобри на првиот гранслем-турнир сезонава.
Во третиот сет при 1:1 во гемови и брејк-топка за Руне, тенисерите го одиграа најдобриот поен на турнирот, а можеби и клучен за мечот. Синер сервираше, имаше дури 36 удари и на крајот Синер го доби поенот, недозволувајќи му на противникот да направи брејк. Потоа италијанскиот тенисер ја сврте работата во своја корист и лесно ги доби следните два сета.
Jannik Sinner wins the POINT OF THE TOURNAMENT against Holger Rune at the Australian Open
Both guys immediately kneel over in exhaustion when the point is done.
Giving every last drop of energy.
Can’t ask more from these two… stunning effort.
— The Tennis Letter (@TheTennisLetter) January 20, 2025
Овој меч имаше и прекин од 20 минути поради бизарна причина. По еден сервис на Синер, топката заврши во конструкцијата од мрежата која пукна, па мораа да реагираат организаторите и цели 20 минути да ја зацврстат мрежата на потребното ниво.
Jannik Sinner knocks out the net. Play suspended. Repair will take 15-20 minutes. pic.twitter.com/3QEgIaq1QZ
— Tennis GIFs🎾🎥 (tip jar🫙📌) (@tennis_gifs) January 20, 2025
