Синер му се одмазди на Алкараз за неговиот пораз во финалето на Ролан Гарос пред помалку од два месеци. Тоа беше негова прва титула на Вимблдон и четврта на Гренд слем турнирите.
„Би сакал да му кажам на Карлос. Уште еден одличен турнир и ти благодарам што си таков играч, задоволство е да играм против тебе и ми се допаѓа што имаме одличен однос надвор од теренот. Имаш одличен тим, продолжи да се бориш и ќе освоиш многу од овие трофеи. Веќе имаш два“, рече Синер и ги насмеа сите присутни.
Италијанецот особено ја насмеа публиката со својата порака за својот брат. Тој вели дека дошол до финалето само затоа што нема трка од Формула 1 овој викенд.
„Моите родители се тука, мојот брат, целиот мој тим – тоа е прекрасно чувство и посебна благодарност до мојот брат што е тука бидејќи нема Формула 1 овој викенд“, рече Синнер.
Потоа Италијанецот стана сериозен и им откри на публиката како го пребродил најтешкиот пораз во кариерата.
„Претрпев тежок пораз во Париз, но на крајот на денот, не е важно како победуваш или губиш. Само треба да погледнеш што си згрешил, да го прифатиш поразот и да продолжиш да работиш. Затоа сега го држам трофејот. Важно е што сум здрав, што имам одлични луѓе околу мене и тоа многу ми значи“, додаде Италијанецот.
